💗وئام كمال

لايقة عليك الغيرة

لايقة عليك يا غالي الغيرة

واللهفة الجواك أسيرة

والبسمة البتكابر رسمت

في عينيك معاني الحيرة

لايقة عليك نظرات الدهشة

والأشواق الشايلة الرعشة

واللفتة البتفتش عني

كل ما يزيد البين الوحشة

بس عينيك الما بتخبي

غيرتك وشوقك وتعلن حبي

بتناديني وليها بلبي

و وحدك إنت الساكن قلبي

ومايعكر صفوك عزالك

و أوعى يغيب في يوم عن بالك

إني بغير أنا اكتر منك

من أطيافك وحتى ظلالك

وأنا جارفني الشوق الحارق

والريد البتشابى ويتاوق

ليك في كل مكان تمشيهو

وكل الدونك جد ما فارق